'Times' egunkariaren 'Times Literary Supplement' literatur gehigarriak ematen duen itzulpen onenaren saria jaso du Bernardo Atxagaren 'Soinujolearen semea' eleberriak. Margaret Jull Costarena da itzulpena, eta 'The Accordionist`s Son' izenburupean kaleratu da Erresuma Batuan.

'Soinujolearen semea' eleberriak (Pamiela, 2003) beste hainbat sari ere eman dizkio Atxagari, besteak beste, Espainiako Kritika Saria, Italiako Mondello eta Grinzane Cavour sariak, eta euskal irakurleek emandako Beterriko Liburua Ohorezko Literatur Aipamena.